Հատուկ նախագծեր
Հայաստանն աշխարհին կներկայանա իր բացառիկ կենսաբազմազանությամբ
COP 17 Համաժողովը Հայաստանը կդարձնի գլոբալ կենսաբազմազանության քննարկումների կենտրոն
Մուսալեռ․ էկոլոգիական վերականգնում և մշակութային նորոգում
Մուսալեռան հերոսամարտի հուշարձանը պարզապես թանգարան չէ։ Այն մեր հիշողության, դիմադրության և շարունակականության խորհրդանիշն է։ Եվ մեր նպատակն է ստեղծել ամբողջական և ներդաշնակ մի միջավայր, որտեղ բնական համակարգերն ու մշակութային հիշողությունը համատեղ կգոյակցեն և կփոխլրացնեն միմյանց։
Երևանը կունենա մի նոր վայր, որտեղ կմիահյուսվեն հայկական մշակույթն ու բնական ժառանգությունը։
Armenia Tree Project-ը, Մատենադարանը և AHA collective-ը հանձն են առել ստեղծելու կոնցեպտուալ նոր այգի, որը կլինի թանգարանի շարունակությունը բնության մեջ։ Կստեղծվի արևելյան և հայկական պարտեզներին հատուկ անաղմուկ մի միջավայր՝ ի հակակշիռ քաղաքի թոհուբոհի:
Ծիծեռնակաբերդի շուրջ տարածվող 120 հեկտարը նախատեսվում է վերածել ոչ միայն կանաչ տարածքի, այլև հիշողություն և կյանք խորհրդանշող քաղաքային անտառի։
Նախաձեռնելով այս պատասխանատու ու ծավալուն նախագիծը, ATP-ն նպատակ ունի նոր շունչ հաղորդելու համայն հայության համար հիշատակի այս կարևորագույն վայրին՝ ընդլայնելով այցելուի ճանապարհը դեպի հիշողության ու պատմության ծառուղիներ, ջրավազան, հնագիտական գոտիներ, որոնք միավորվելով կձևավորեն կենսաբազմազանությամբ հարուստ քաղաքային անտառ։։