Armenia Tree Project-ը միանում է 1% for the Planet գլոբալ նախաձեռնությանը

Ուրախությամբ հայտնում ենք, որ Armenia Tree Project-ը (ATP) դարձել է 1% for the Planet գլոբալ ցանցի պաշտոնական բնապահպանական գործընկերը։ Այս հարթակը միավորում է կազմակերպությունների, որոնք իրական և չափելի ազդեցությամբ նպաստում են շրջակա միջավայրի պահպանությանը։

1% for the Planet-ը կապում է բիզնես ընկերություններին և բնապահպանական կազմակերպություններին պարզ, բայց ազդեցիկ գաղափարի շուրջ․ անդամները պարտավորվում են իրենց տարեկան եկամտի առնվազն 1%-ը ուղղել շրջակա միջավայրի պահպանության ոլորտում գործող, մանրակրկիտ ընտրված կազմակերպություններին։

Այս կերպ աջակցությունը հասնում է իրական արդյունքներ գրանցող գործընկերներին՝ վստահություն ներշնչելով թե՛ դոնորներին, թե՛ համայնքներին։

Այս հեղինակավոր ցանցի մաս դառնալը ևս մեկ անգամ ընդգծում է ATP-ի ազդեցությունը և կազմակերպության հանդեպ վստահությունը։ Ցանցի միջոցով մենք ստեղծում ենք նոր կապեր համաշխարհային այնպիսի համայնքի հետ, որը միավորված է բնության հանդեպ հոգատարության և պատասխանատվության ամուր թելերով։

Ավելի քան 30 տարի ATP-ն Հայաստանում աճեցնում և տնկում է տեղական ծառատեսակներ ու թփեր, վերականգնում է էկոհամակարգը, զարգացնում բնապահպանական կրթությունը և սերտորեն համագործակցում համայնքների հետ։ Այս գործընկերությունը ոչ միայն ամրապնդում է մեր հանձնառությունը, այլև բացում է նոր հնարավորություններ՝ ընդլայնելու մեր գործունեության շրջանակն ու ազդեցությունը։

Բացահայտեք, թե ինչպես է ATP-ն փոխակերպում Հայաստանի բնապատկերներն ու համայնքները, և միացեք մեզ՝ աջակցելով այս կարևոր առաքելությանը։