Armenia Tree Project-ի առաքելությունն է աջակցել հայ ժողովրդին՝ ծառերի միջոցով բարելավելու կյանքի որակը և պահպանելու շրջակա միջավայրը։
Մեր գործունեության հիմքում են համայնքների ինքնաբավության խթանումը, առաջնահերթ աջակցությունը սահմանափակ ռեսուրսներ ունեցող տեղաբնակներին և տեղական էկոհամակարգերի պահպանությունը։
Վերջին 30 տարիների ընթացքում Armenia Tree Project-ը վարպետացել է Հայաստանում առողջ ծառեր աճեցնելու և տնկելու գործում, կատարելագործել երկրի բնական պաշարները պահպանելու իր կարողությունը: ATP-ն որդեգրել է հետևյալ սկզբունքը. և՛ բնությունը, և՛ մարդիկ անբաժանելի ուժեր են, որոնք պետք է համատեղվեն հանուն կայուն, առողջ և անվտանգ միջավայրի ստեղծման:
«Armenia Tree Project»-ը (ATP) հիմնադրվել է 1994 թվականին։ 1992 թվականի ձմռանը բարերար Քերոլին Մուգարը ականատես լինելով, թե ինչպես են հուսահատ մարդիկ հազարավոր ծառեր հատում ցրտաշունչ ձմեռները հաղթահարելու համար, որոշեց անտարբեր չմնալ, և անհապաղ սկսել բնությանը հասցված վնասի վերականգնումը: ATP-ն ծնվեց որպես Ամերիկայի Հայկական Ասամբլեայի նախագիծ։
Կարդալ ավելին
Առաջին ծառատունկն արվել է «Նորք» տարեցների խնամքի կենտրոնի տարածքում: Այնտեղից էլ սկիզբ են առել ATP-ի՝ առողջ ծառերի հուսալի մատակարարման նախագծերը։ Արագորեն տնկարաններ հիմնվեցին Կարին և Խաչփար գյուղերում: Բերրի հողերով հայտնի այս գյուղերում նաև աշխատատեղերի կարիք կար, այստեղ էին բնակեցվել Արցախյան պատերազմի հետևանքով տեղահանված ընտանիքները։
Թիմն անցավ գործի և արդեն ավելի քան 30 տարի շարունակում է իր առաքելությունը՝ օգնելով հայ ժողովրդին ծառերի միջոցով բարելավել կենսամակարդակը և պաշտպանելով շրջակա միջավայրը։ Այդպիսով, ATP-ն խթանել է ինքնաբավությունը, առաջին հերթին օգնել է ամենաքիչ ռեսուրսներ ունեցողներին և նպաստել տեղական էկոհամակարգի պահպանմանը։
Տնկված ծառեր
1994 թվականից ի վեր ATP-ն Հայաստանում և Արցախում տնկել է ավելի քան 9 միլիոն ծառ՝ ստեղծել ու վերականգնել անտառներ, հարստացրել տեղական էկոմիջավայրը։
Կարդալ ավելին
Ներգրավված համայնքներ
Մենք գործակցել ենք ավելի քան 1922 համայնքների հետ՝ ստեղծելով աշխատատեղեր, տեղի բնակիչներին ներգրավելով համայնքային կանաչապատման գործընթացներում։
Կրթություն
ATP Էկոակումբների ծրագրերին մասնակցել է ավելի քան 110,000 աշակերտ՝ սովորելով ճանաչել բնությունն ու դիմակայել բնապահպանական մարտահրավերներին։
Գործադիր տնօրեն
Զարգացման գծով տնօրեն
Ռազմավարական գործընկերությունների և ազդեցության հարցերով տնօրեն
Ֆինանսական վերահսկիչ
գործառնական տնօրեն
Անտառային ծրագրերի ղեկավար
Բնապահպանական կրթության ծրագրի ղեկավար
Տնամերձ տնկարանների և «Կարին» տնկարանի ղեկավար
«Բեթի» պտղատու տնկարանի ղեկավար
«Խաչպար» տնկարանի ղեկավար