Գևորգ Զարոյանը Armenia Tree Project բարեգործական հիմնադրամում աշխատում է 2019 թվականից՝ տնկարաններում և բակային տնկարանների ծրագրերում։ Նա կառավարում է տնկարանային աշխատանքները՝ հողի մշակում, բույսերի բազմացում, տնկիների խնամք և տնկարանների արդյունավետ գործունեությունն ապահովող այլ գործընթացներ։ Նա նաև մասնակցում է հետազոտական և փորձարարական ծրագրերի, բնապահպանական կրթական նախաձեռնությունների և հաճախ ներկայացնում է ATP ծրագրերն ու տնկարանները այցելուներին և դոնորներին։
Մինչև Armenia Tree Project միանալը, Գևորգը 2015-2019 թվականներին աշխատել է ՀՀ ԳԱԱ Ա. Թախտաջյանի անվան Բուսաբանության ինստիտուտում՝ որպես ինժեներ-դենդրոլոգ։ Այդ ընթացքում նա իրականացրել է բույսերի բազմազանության և էկոլոգիայի ուսումնասիրություններ, հետազոտել բույսերի և տարբեր միջավայրերի փոխազդեցությունը, մասնակցել դաշտային և լաբորատոր հետազոտությունների ու գիտական արշավների։ Նրա աշխատանքը ներառել է նաև բույսերի դասակարգում, աճի և թթվածնագոյացման գործընթացների ուսումնասիրություն։
Իր մասնագիտական գործունեության ընթացքում Գևորգ Զարոյանը շարունակաբար կատարելագործել է գիտելիքներն ու հմտությունները՝ մասնակցելով միջազգային գիտաժողովների, վերապատրաստումների և աշխատաժողովների։