Ծիծեռնակաբերդի շուրջ տարածվող 120 հեկտարը նախատեսվում է վերածել ոչ միայն կանաչ տարածքի, այլև հիշողություն և կյանք խորհրդանշող քաղաքային անտառի։
Նախաձեռնելով այս պատասխանատու ու ծավալուն նախագիծը, ATP-ն նպատակ ունի նոր շունչ հաղորդելու համայն հայության համար հիշատակի այս կարևորագույն վայրին՝ ընդլայնելով այցելուի ճանապարհը դեպի հիշողության ու պատմության ծառուղիներ, ջրավազան, հնագիտական գոտիներ, որոնք միավորվելով կձևավորեն կենսաբազմազանությամբ հարուստ քաղաքային անտառ։։
Ընդհանուր տարածքից մոտ 30 հեկտարը՝ գործող պուրակի տարածքը, կվերականգնվի և կբարելավվի, մնացած հատվածը կանտառապատվի՝ ձևավորելով նոր էկոլոգիական շերտ ամբողջ տարածքում։
Այս վերափոխումը ոչ միայն խորհրդանշական կլինի, այլև կունենա կարևոր բնապահպանական նշանակություն։ Նախագծի ավարտից հետո յուրաքանչյուր երևանցու համար այն կապահովի մոտավորապես 1 քմ լրացուցիչ կանաչ տարածք՝ զգալիորեն բարելավելով մայրաքաղաքի միկրոկլիման և օդի որակը, ամրացնելով՝ դիմակայունությունը։