Երևանը կունենա մի նոր վայր, որտեղ կմիահյուսվեն հայկական մշակույթն ու բնական ժառանգությունը։
Armenia Tree Project-ը, Մատենադարանը և AHA collective-ը հանձն են առել ստեղծելու կոնցեպտուալ նոր այգի, որը կլինի թանգարանի շարունակությունը բնության մեջ։ Կստեղծվի արևելյան և հայկական պարտեզներին հատուկ անաղմուկ մի միջավայր՝ ի հակակշիռ քաղաքի թոհուբոհի:
Միջնադարյան մագաղաթներից, պատմության էջերից գաղտնազերծված բուսատեսակներն իրենց կյանքը կշարունակեն բնության մեջ՝ ապահովելով այգու կենսաբազմանությունը, միմյանց կապելով ձեռագրերի բովանդակությունն ու բնությունը։
Այգու կանաչապատման մեջ կօգտագործվեն հայկական, պատմական բնաշխարհին հատուկ բույսերը, որոնք այցելուների համար կդառնան ուսումնասիրման նյութ։ Այգին կունենա նաև կրթական բաղադրիչ, ուսումնական նորարարական մեթոդներով, մշակութային միջոցառումների անցկացման գոտևորմամբ։